மாற்றான்

மாலை நேரம் வீட்டு வாயிலில் 11  வாட்ஸ் எனெர்ஜி மின்குமிழ் எரிந்து கொண்டு இருந்தது. ஜெர்ரியின் தாத்தா கையில் ஏதோ புத்தகம் ஒன்றை புரட்டி கொண்டு இருந்தார். அதிலே மூழ்கியிருந்த அவரை "தடார்" என்று தள்ளி விட்ட கதவு சத்தம் நிலை குலைய வைத்தது. நிமிர்ந்த தாத்தாவை கொஞ்சம் களைப்பு, ரொம்ப எதிர்பார்ப்பு கலந்த முகத்தோடு பார்த்து கொண்டே பக்கம் அமர்ந்தான். மாலை வகுப்புக்கு போய் நேரத்துக்கு திரும்பி இருந்தான் ஜெர்ரி.

புத்தகத்தை மூடி வைத்த தாத்தா "என்ன ஜெர்ரி இவ்வளவு நேரத்துக்கு வீட்ட வந்துட்ட?"


"இல்ல தாத்தா நேரத்துக்கு விஞ்ஞான வகுப்பு முடிந்த தால நேரத்துக்கு வந்துட்டேன்.." என்றவன் சிறிது நேரம் கழித்து தாத்தா "எனக்கு ஒரு டவுட். ஒரு உதவி?"

"என்னப்பா டவுட்? தெரிஞ்சா சொல்றன் கேளு" என்று கேட்டவாறே பக்கத்தில் இருந்த தண்ணீர் போத்தலை அவனது கையில் குடிக்க கொடுத்தார்.

"இப்போ இரட்டை குழந்தைகள் பிறக்கும் பொது ஆண்களாகவோ பெண்களாகவோ அல்லது ஆண் பெண் இரண்டும் கலந்தோ பிறக்கின்றன. ஆனால் ஒட்டி பிறக்கும் இரட்டை குழந்தைகள் மட்டும் ஒரே பாலாக இருக்கின்றன. அது எப்படி?"

"அதுவா பா. இரட்டைகளில் இரு வகை இருக்கு. ஒன்று மொனோசைகாட்டிக், இது ஒரு முட்டை கருவுற்ற பன்னிரண்டு நாட்களுக்குள் இரண்டாக பிரிவதால் ஏற்படுவது. அதாவது அந்த இரு குழந்தைகளின் டி.என்.ஏ. 100 % ஒன்று போலவே இருக்கும். குரோமோசோம்களின் கூட்டுகளுக்கு ஏற்ப ஆண்/பெண் வித்தியாசம் வரும்."



"அப்போ மற்றது"

Actresses Mary-Kate and Ashley Olsen

Well-known dizygotic twins.

"மற்றது டைனோசைகாடிக். இது கொஞ்சம் வித்தியாசம். கருமுட்டை பன்னிரண்டு நாட்களுக்குள் முழுவதுமாக பிரியாததால் ஒட்டி பிறப்பார்கள். இரு குழந்தைகளும் ஒரே பாலினமாக தான் இருக்கும். "மோனோ அம்னியாட்டிக், மோனோ கோவியானிக்" இரட்டைகள் என்று அழைக்கபடுவர். பெரும்பாலும் அவர்கள் "மிரர் ட்வின்ஸ் போல தான்" அதாவது "நிலைக்கண்ணாடி ரெட்டையர்கள்" போல இடம் வலம் மாறி தெரிவார்கள். ஒருவர் வலது கைகாரராகவும் மற்றவர் இடது கைகாரராகவும் இருப்பார்கள்"


"சூப்பர் தாத்தா"

"அது சரி டவுட்டு சரி. உதவி என்ன கேட்ட?"

இல்ல தாத்தா டியுசன் விட்டு நேரத்துக்கு வந்ததே நைட் ஷோ மாற்றான் போக தான்.. அம்மாகிட்ட சொன்னா விட மாட்டாங்க. பிளிஸ் தாத்தா.. கம்பைன் ஸ்டடிஸ் பிரெண்ட்ஸ் கூட போறான் என்று சொல்லிடுங்க தாத்தா" என்று சொல்லி தாத்தாவோட கன்னத்திலே அன்பும் செல்ல கபடும் கலந்து ஒரு முத்தம் கொடுத்து சிட்டாய் பறந்தான் ஜெர்ரி..


சிறு புன்னகைத்து விட்டு " டேய் நேரத்துக்கு வந்து சேரு.. நீ பொது விஷயம் பற்றி நெக்குருகி கேட்கும் போதே தோனிச்சு. இப்படி வில்லங்கம் இருக்கும் என்று.." சிரித்து விட்டு புத்தகத்தை விரித்தார். மட்டையில் அப்துல் கலாம் யோசித்து கொண்டே இருந்தார்.


நன்றி அடுத்த பதிவில் சந்திக்கலாம் 

ஹாரி R 

ஹாரியின் தொழிற்கள பதிவுகள் வாசிக்க..